ពោធិ៍សាត់: ជនសង្ស័យឈ្មោះ ទេព សុខុម ភេទប្រុសអាយុ 31ឆ្នាំ រស់នៅភូមិក្រពើរោទ៍ឃុំស្នាមព្រះ ស្រុកបាកាន ត្រូវបានសមត្ថកិច្ចជំនាញនៃអធិការដ្ឋាន ស្រុកបាកាន ឃាត់ខ្លួុន ពាក់ព័ន្ធករណីរក្សាទុកជួញដូរនិងប្រើប្រាស់ដោយខុសច្បាប់នូវសារធាតុញៀន នៅចំណុចផ្ទះរបស់ជនសង្ស័យ កាលពីវេលាម៉ោង 13និង15នាទី ថ្ងៃទី 11 ខែមីនា ឆ្នាំ2021 ។
លោកវរសេនីយ៏ឯក នាង វុធ អធិការ នៃអធិការដ្ឋាននគរបាលស្រុកបាកាន បានបញ្ជាក់ឲ្យដឹងថា ដោយមានការចង្អុលការ និងទទួុលបានបទបញ្ជា ពីលោកឧត្តមសេនីយ៍ទោ ស ថេង ស្នងការនគរបាលខេត្ត កម្លាំងជំនាញ បានចេញប្រតិបត្តិការចុះបង្ក្រាបបទល្មើសខាងលើ ដោយឃាត់ខ្លួនជនសង្ស័យម្នាក់ឈ្មោះ ទេព សុខុម ភេទប្រុសអាយុ 31ឆ្នាំ មានទីលំនៅក្នុង ភូមិក្រពើរោទ៍ ឃុំស្នាមព្រះ ស្រុកបាកាន ខេត្តពោធិ៍សាត់នឹងបានធ្វើការឆែកឆេរដកហូតវត្ថុតាងរួមមាន ម្សៅក្រាមពណ៌សថ្លា សង្ស័យជាសាធាតុញៀនចំនួន 01កញ្ចប់ ទម្ងន់4.67ក្រាមថ្លឹងទាំងសំបក ប្រដាប់ជក់01កំប្លេរ កន្ត្រៃ១ ដែកកេះ 02 ជញ្ចីងថ្លឹងថ្នាំញៀន01 កូនថង់រំលែកថ្នាំ08ថង់ និងកូនកាបូបពណ៌ខ្មៅ01 ។ លោកអធិការបានបន្តថា បច្ចុប្បន្នជនសង្ស័យ រួមនឹងវត្ថុតាងបានបញ្ជូនមកអធិការដ្ឋាននគរបាលស្រុកបាកាន ដើម្បីបំពេញបែបបទ និងចាត់ការតាមនីតិវិធីច្បាប់ ៕
