លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា និង សហការី បានអញ្ជើញចូលរួមកិច្ចប្រជុំដើម្បី ប្រមូលធាតុចូល និងសំណូមពរ ជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីជួបជុំជាមួយអ្នកសារព័ត៌មានលើកទី៧ ឆ្នាំ២០២៥ នៅថ្ងៃទី០៣ ខែឧសភា ឆ្នាំ២០២៥ខាងមុខ ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន!
រាជធានីភ្នំពេញ:រសៀល ថ្ងៃទី០១ ខែមេសា ឆ្នាំ២០២៥នេះ លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា និង សហការី បានអញ្ជើញចូលរួមកិច្ចប្រជុំដើម្បី ប្រមូលធាតុចូល និងសំណូមពរ ជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីជួបជុំជាមួយអ្នកសារព័ត៌មានលើកទី៧ ឆ្នាំ២០២៥ នៅថ្ងៃទី០៣ ខែឧសភា ឆ្នាំ២០២៥ខាងមុខ ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងមានការចូលរួមពីតំណាងសមាគមអ្នកសារព័ត៌មានជាច្រើនរូប។ ក្នុងឱកាសនោះ លោកប្រធាន ទេស វិបុល បានលើកសំណូមពរចំនួន០២គឺ៖១.ស្នើសុំពន្លឿនការអនុម័តច្បាប់ស្តីពីសិទ្ធិទទួលព័ត៌មានឱ្យបានឆាប់ និង ២.សុំឱ្យក្រសួងព័ត៌មាន និងសមត្ថកិច្ចពាក់ព័ន្ធ ពិនិត្យលើធាតុផ្សំបទល្មើស បទ កំហែងយកប្រាក់ មុននឹងចាប់ឃាត់ខ្លួន អ្នកសារព័ត៌មានណាម្នាក់។
