ខេត្តកណ្តាល៖ លោក ទេស វិបុល ប្រធានសមាគមសេរីភាពអ្នកសារព័ត៌មានកម្ពុជា និង និងសហការី បាននាំយកអំណោយជាកៅអីជ័រ ចំនួន២០០កៅអី ដែលគិតជាប្រាក់ ចំនួន ៣.០០០.០០០រៀល (បីលានរៀល) ប្រគល់ជូន រដ្ឋបាលក្រុងអរិយក្សត្រ ដើម្បីទុកប្រើប្រាស់ក្នុងកម្មវិធីផ្សេងៗ និង ការបម្រើសេវាសាធារណៈ ជូនប្រជាពលរដ្ឋឱ្យកាន់តែប្រសើរឡើង។
លោក ទេស វិបុល បានជម្រាបពីសកម្មភាពការងាររបស់សមាគម គឺ បម្រើផលប្រយោជន៍របស់អ្នកសារព័ត៌មាន ប្រជាពលរដ្ឋ និង ចូលរួមចំណែកការអភិវឌ្ឍសង្គមជាតិឱ្យកាន់តែរីកចម្រើន ក្រោមការដឹកនាំដ៏ឈ្លាសវៃរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី។
លោក ចាន់ តារា អភិបាលក្រុងអរិយក្សត្រ បានចាត់ឱ្យ លោក ចាន់ គឿយ អភិបាលរងក្រុង និង លោក សេង សូរិយា ប្រធានច្រកចេញចូលតែមួយក្រុង ព្រមទាំង សហការី ជាតំណាងលោកអភិបាល ក្នុងការទទួលអំណោយកៅអីទាំងនេះ នៅរដ្ឋបាលក្រុង នាព្រឹក ថ្ងៃទី២៧ ខែមីនា ឆ្នាំ២០២៥។
លោក ចាន់ គឿយ អភិបាលរងក្រុង បានពាំនាំការផ្តាំផ្ញើសួរសុខទុក្ខពីសំណាក់ លោក ចាន់ តារា អភិបាលក្រុង ជូនថ្នាក់ដឹកនាំសមាគម និង បានប្រគល់លិខិតថ្លែងអំណរគុណ ព្រមទាំង ការអរគុណផ្ទាល់ដល់ លោក ទេស វិបុល លោក ថាំង ប៊ុនសុង និង លោក យ៉ាន សារូ ដែលបាននាំអំណោយមកជូនរដ្ឋបាលក្រុងអរិយក្សត្រនាពេលនេះ និងកន្លងមក៕
