លោកប៊ុន.ផេង អភិបាលនៃគណៈអភិបាលស្រុកខ្សាច់កណ្តាលបានអញ្ជើញចុះសួរសុខទុក្ខនិងសំណេះសំណាលជាមួយបងប្អូនពលរដ្ឋ ជាសះស្បើយចំនួន ៧នាក់បន្ថែម អនុញ្ញាតអោយត្រឡប់ទៅផ្ទះវិញ

ខេត្តកណ្តាល ៖ នាថ្ងៃទី១០ ខែសីហា ឆ្នាំ​២០២១ លោក​ ប៊ុន ផេង​ អភិបាល នៃគណ:អភិបាលស្រុក​ខ្សាច់កណ្ដាល និងជាប្រធានគណៈកម្មាធិការប្រយុទ្ធប្រឆាំងជម្ងឺកូវីដ-១៩(COVID-19)ស្រុកខ្សាច់កណ្តាល បានអញ្ជើញចុះសួរសុខទុក្ខ និងធ្វើការសំណេះសំណាលជាមួយបងប្អូនប្រជាពលរដ្ធចំនួន ៧នាក់ ដែលពាក់ព័ន្ធព្រឹត្តការណ៍សហគមន៍២០កុម្ភៈ ដែលព្យាបាលជាសះស្បើយ តាមគោលការណ៍ណែនាំរបស់ក្រសួងសុខាភិបាល​ នៅមណ្ឌលព្យាបាល កម្រិតស្រាល រ៉ូតាខ្សាច់កណ្តាល។

ក្នុងនោះ លោកអភិបាលស្រុក បានបន្តការណែនាំដល់បងប្អូនប្រជាពលរដ្ឋទាំងអស់ មិនអោយមានការជួបជុំគ្នាច្រើន ណែនាំឲ្យចូលរួមអនុវត្តវិធានការ « ៣កុំ ៣ការពារ » ចេះអនាម័យដោយបានលាងសម្អាតដៃអោយបានញឹកញាប់ ពាក់ម៉ាស់នៅកន្លែងចាំបាច់ បើមិនចាំបាច់ទេ សូមកុំចេញក្រៅផ្ទះ ដើម្បីចូលរួមទប់ស្កាត់ជំងឺកូវីដ-១៩ ទាំងអស់គ្នា។

គួរបញ្ជាក់ថា ចំពោះប្រជាពលរដ្ឋទាំង៧នាក់ ដែលបានបញ្ចប់ចត្តាឡីស័ក ព្យាបាលជាសះស្បើយ ត្រូវវិញត្រឡប់ទៅគេហដ្ឋានរៀងៗខ្លួននោះ ទទួលបានអំណោយជាអង្ករ និងសម្ភារៈមួយចំនួនផងដែរ៕