គ្រោះថ្នាក់ចរាចរណ៍ផ្លូវ គោក រវាងរថយន្ត នឹង រថយន្ត បណ្តាលអោយរបួសស្រាល ០១នាក់ភេទប្រុស និង ខូចខាតរថយន្ត ០២គ្រឿងនៅស្រុកកៀនស្វាយ!!

ខេត្តកណ្ដាល:នៅថ្ងៃអង្គារ៍៣ កើត ខែអាសាឍ ឆ្នាំជូតទោស័កព.ស២៥៦៤ត្រូវនឹងទី២៣.០៦.២០២០ម៉ោង១៩និង៤៥នាទីមានករណីគ្រោះថ្នាក់ ចរា ចរណ៍ មួយករណី លើផ្លូវជាតិលេខ១ ចន្លោះគីទ្បូម៉ែត្រ៣០-៣១ ភូមិ កណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល។

សមត្ថកិច្ចបានឲ្យដឹងថានៅថ្ងៃខែឆ្នាំវេលាម៉ោងកើតហេតុខាងលើ មានរថយន្ត ០១គ្រឿងម៉ាក TOYOTA TACOMA ពណ៌ស ពាក់ផ្លាកលេខ ភ្នំពេញ2AY 3525 បើកបរដោយ ឈ្មោះ ហង្ស សុផល ភេទប្រុសអាយុ ៥៨ឆ្នាំជនជាតិខ្មែរ (របួសស្រាល)មានទីលំនៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល ដែលបើកមានទិសដៅ ពីអ្នកលឿងទៅភ្នំពេញ ពេលបើក មកដល់កន្លែងកើតហេតុខាងលើបាន បុកជាមួយរថយន្ត០១គ្រឿងម៉ាកHINO ពណ៌ប៉ៃតងខៀវ ប្រភេទដឹកទំនិញធុនធំ ពាក់ផ្លាកលេខ តាកែវ .3A-1310 បើកបរដោយ ជនមិនស្គាល់អត្តសញ្ញាណ(រត់គេចខ្លួនបាត់) ដែលបើកចេញពីកំពុងផែស័្វយត្ន័ភ្នំពេញថ្មី ឡើងមកផ្លូវជាតិ បណ្តាលអោយរងរបួសស្រាលអ្នកបើករថយន្តTOYOTA TACOMA ត្រូវបានសាច់ញាតិបញ្ជូនទៅមន្ទីពេទ្យភ្នំពេញ ។

ចំណែករថយន្ត ខូចស្រាល ០២គ្រឿងត្រូវបានកម្លាំង ជំនាញចរាចរណ៍សណ្តាប់ធ្នាប់ស្រុកកៀនស្វាយ ធ្វើការវាស់វែងនឹងយកទៅរក្សាទុកជាភស្តុតាង តាមនិតិវិធី។