រថយន្តមួយគ្រឿង ឆេះសល់តែគ្រោងឆ្អឹង ដោយសារធ្លាយធុងហ្គាស

សៀមរាប​ ៖ នៅនៅវេលាម៉ោង ១០:០០ព្រឹក​ ថ្ងៃទី២៥ ខែកញ្ញា ឆ្នាំ២០១៩ រថយន្តកែច្នៃ ដោយប្រើហ្គាសមួយគ្រឿង ត្រូវបានឆាបឆេះខូចខាតសល់តែគ្រោងឆ្អឹង។

លោកវរសេនីយ៍ឯក ស៊ុន អេង អធិការនគរបាលស្រុកស្វាយលើ បានអោយដឹងថារថយន្ត ដែលត្រូវភ្លើងឆេះ ម៉ាកកាម៉ារី ពណ៌ខ្មៅ ផលិតឆ្នាំ១៩៩៣ ស្លាកលេខ ភ្នំពេញ 2C-5849 បេីកបរដោយឈ្មោះ ឆន ដារ៉ា ភេទ ប្រុស អាយុ ២៧ឆ្នាំ រស់នៅ ភូមិត្រពាំងខ្នា ឃុំស្វាយលើ ស្រុកស្វាយលើ ខេត្តសៀមរាប។ មូលហេតុ បណ្តាលអោយឆាបឆេះ គឺដោយសារធ្លាយទុយោហ្គាស ដែលកែច្នៃដាក់ភ្ជាប់រថយន្ត។

អធិការនគរបាលស្រុកស្វាយលើ បានបន្ថែមទៀតថា នៅពេលកើតហេតុ កម្លាំងសមត្ថកិច្ចបានយករថយន្តពន្លត់អគ្គិភ័យ ទៅជួយអន្តរាគមន៍បាញ់ទឹកពន្លត់ អស់មួយរថយន្តទេីបរលត់ជាស្ថាពរ៕